वडगाव मावळ:
जुनी पेन्शन चालू करावी या मागणीसाठी शासकीय कर्मचारी आज पासून संपावर गेले आहे. शासकीय व निमशासकीय कर्मचाऱ्यांना शासनाच्या वतीने मिळणारी नविन पेन्शन रद्द करून जुनीच पेन्शन योजना लागु करावी यासह विविध मागण्यासाठी राज्य पातळीवरील विविध शासकीय कर्मचाऱ्यांच्या संघटनांनी संप पुकारला आहे.
शासकीय कर्मचाऱ्यांच्या या राज्यव्यापी बेमुदत संपात मावळ तालुक्यातील कर्मचा-यांनी सहभाग नोंदविला आहे.
महाराष्ट्र शासनाने जुनी पेन्शन योजना बंद करीत शासकीय कर्मचाऱ्यांवर अन्याय केल्याचा आरोप करण्यात येत आहे. जुनी पेन्शन योजना पुर्वरत सुरू करावी यासाठी येथे दिनांक १४ डिसेंबर २०२३ पासुन होणाऱ्या शासकीय कर्मचारी यांच्या बेमुदत संपात तालुक्यातील शेकडो कर्मचारी सहभागी होणार आहे.
तालुक्यातील विविध शासकीय सेवेतील कर्मचाऱ्यांचा संपात सहभागामुळे नागरिकांच्या अनेक शासकीय कामांचा खोळंबा होणार असुन विद्यार्थ्यांचे शैक्षणिक कामात याचा विपरित परिणाम होणार आहे.महाराष्ट्र शासनाच्या विविध शासकीय सेवेतील कर्मचारी नविन पेन्शन योजना रद्द करून जुनी पेन्शन योजना सुरू करावी या मागणीसह विविध न्यायायीक मागण्यांसाठी हा संप असल्याचे कर्मचारी संघटनेच्या वतीने सांगण्यात आले.
- दादाभाऊ गणपत गायकवाड यांचे निधन
- पंचाहत्तरीनिमित्त निवेदक सुधीर गाडगीळ यांचा विशेष सत्कार व सांस्कृतिक संचित कार्यक्रम
- असवले इंग्लिश मिडियम स्कूल मध्ये बालजत्रेची धूम
- कला-क्रीडा महोत्सवात अति दुर्गम भागातील खांडी शाळेने पटकविला मानाचा तुरा : पाचवी इयत्तेचा नक्ष भोकटे ठरला मावळ तालुकापातळीवरील बुद्धिबळ स्पर्धेचा विजेता
- सांगिसे विद्यालयात सॅनिटरी डिस्पेन्सर व डिस्पोजल मशीनचे उदघाटन
