नूतन महाराष्ट्र इन्स्टिटयूट ऑफ इंजिनिअरींग अँड टेक्नॉलॉजीचा जागतिक विक्रम
तळेगाव स्टेशन:
नूतन महाराष्ट्र इन्स्टिटयूट ऑफ इंजिनिअरींग अँड टेक्नॉलॉजीच्या द्वितीय वर्ष अभियांत्रिकीच्या विद्यार्थ्यांनी “एक्सप्लोरिंग वंडर्स ऑफ फिजिक्स विथ अविन्या” या नावाचे भौतिकशास्त्राचे पुस्तक विकसित करून उल्लेखनीय कामगिरी केली.
टीम अविन्याच्या नेतृत्वाखाली प्राचार्य डॉ. विलास देवतारे आणि किरण दहिभाते यांच्या मार्गदर्शनाखाली हे पुस्तक विक्रमी वेळात तयार करण्यात आले आहे. त्यात अत्याधुनिक तंत्रज्ञानाचा समावेश आहे. या पुस्तकाचे वैशिष्ट्य म्हणजे संवर्धित वास्तवाचा वापर करणे, आकलन वाढविण्यासाठी द्विमितीय व्हिज्यूलायजेशनचे इमसिर्व्ह ञिमितीय अनुभवांचे अखंडपणे रूपांतर करणे.
“अविन्यासह भौतिकशास्त्राचे चमत्कार ” चा एक उल्लेखनीय पैलू म्हणजे संकल्पनांचे वर्णनात्मक शैलीचे स्पष्टीकरण. तसेच यामध्ये भौतिक शास्त्राची तत्वे सादर करून, पुस्तक वाचनाची आवड निर्माण करून सखोल समजून घेणे सुलभ होत आहे. एकोणीस विद्यार्थ्यांच्या संघाने ही कामगिरी केली आहे.
हा जागतिक विक्रम प्रस्थापित केल्याबद्दल संस्थेचे अध्यक्ष संजय ( बाळा ) भेगडे, उपाध्यक्ष गणेश खांडगे, सचिव संतोष खांडगे, खजिनदार तसेच अभियांत्रिकीच्या कार्यकारी समितीचे चेअरमन राजेश म्हस्के, सहसचिव नंदकुमार शेलार, संचालक रामदास काकडे, कार्यकारी संचालक डॉ. गिरीश देसाई यांनी डाॅ.आर. एस. जहागीरदार , प्राचार्य तसेच प्रकल्प मार्गदर्शक डॉ. विलास देवतारे, प्रा. प्रीतम अहिरे, किरण दहिभाते ( प्रोजक्ट मेंटॉर), डीन, विभागप्रमुख , विद्यार्थी आणि एनएमआयईटी टीमचे अभिनंदन केले.
- पर्व आरोग्य क्रांतीचे : आमदार सुनिल शेळके यांच्या वाढदिवसानिमित्त मावळात महाआरोग्य शिबीर
- रविंद्र आप्पा भेगडे यांच्या झंझावाती गणेश मंडळ दौऱ्यांमुळे कार्यकर्त्यांचा गणेशोत्सवाचा आनंद द्विगुणित
- गणेशोत्सवानिमित्त जांभुळगावला श्री. गणेश मित्र मंडळाची सामाजिक बांधिलकी
- भाजपा मावळ विधानसभा निवडणूक प्रमुख रविंद्र भेगडे यांचे शक्तिप्रदर्शन : लोणावळ्यामधील गणेशोत्सव दर्शनपर भेटींना कार्यकर्त्यांचा उस्फुर्त प्रतिसाद
- गणपती दान आणि निर्माल्य दान उपक्रम
