![](https://mavalsatya.com/wp-content/uploads/2023/01/Picsart_23-01-13_07-29-00-244-1024x576.jpg)
राज्यस्तरीय नेटबाॕल स्पर्धेत पुणे जिल्हा संघाला सुवर्ण पदक
कार्ला-
महाराष्ट्र शासन व महाराष्ट्र ऑलिम्पिक असोसिएशन यांच्या संयुक्त विद्यमाने ३६ वी ‘महाराष्ट्र राज्य ऑलिम्पिक क्रीडा स्पर्धा नागपूर येथे संपन्न झाली. या नेटबॉल स्पर्धेमध्ये पुणे जिल्हा पुरुष संघाने गोंदिया जिल्हा संघाचा अंतिम सामन्यात ४३/३९ अशा चार गुण फरकाने विजय संपादन करून सुवर्णपदक प्राप्त केले.
उपांत्य सामन्यात पुणे जिल्हा संघाने भंडारा जिल्हा संघाला ३८/२९ गुण फरकाने पराभूत करून अंतिम सामन्यात प्रवेश केला. अंतिम सामन्यामध्ये संघाचे कर्णधार समीर सिकीलकर तसेच अविनाश पाटील, पृथ्वीराज पवार व इतर खेळाडूंनी उत्कृष्ट खेळाचे प्रदर्शन करत स्पर्धेचे अजिंक्यपद पटकावले.
अंतिम सामना पाहण्यासाठी व पारितोषिक वितरण समारंभासाठी नागपूर जिल्ह्याचे सहसंचालक श्री पाटील, नागपूर जिल्हा क्रीडा अधिकारी पल्लवी धात्रक, महाराष्ट्र ॲमेच्युअर नेटबॉल संघटनेचे पदाधिकारी व इतर मान्यवर उपस्थित होते.
पुणे जिल्हा नेटबॉल असोसिएशनचे अध्यक्ष आबा तुपे, सचिव मानसिंग वाबळे यांनी विजेत्या संघाचे खेळाडू, संघाचे प्रशिक्षक सुनील मंडलिक, संघ व्यवस्थापक प्रथमेश जाधव यांचे विशेष कौतुक व अभिनंदन केले व पुढील वाटचालीस शुभेच्छा दिल्या. पुणे जिल्हा संघाला अश्वजीत सोनवणे,संतोष पाचारणे यांचे विशेष मार्गदर्शन लाभले.
पुणे जिल्हा नेटबॉल संघाचे खेळाडू पुढीलप्रमाणे :- समीर सिकीलकर (कर्णधार), शुभम कोडक, आरिफ मुजावर, अविनाश पाटील, ओंकार नरके, प्रसाद शिवेकर, सर्वेश अडसुळे, पृथ्वीराज पवार, रोहित जाधव, दत्तात्रय कोल्हे, दीपक डूंगाहू, अलीम शेख हे खेळाडु सहभागी झाले होते.
- शिक्षणाचा दर्जा न संभाळणा-या शिक्षकाला सेवेतून कमी करणार: दिपक केसरकर
- विद्रोह विवेकी असावा: प्रा. डॉ. श्रीपाल सबनीस
- नूतनचे प्रा.दीपक पाटील यांना डॉक्टरेट
- शिवदुर्ग टीमचे प्रशासनाकडून कौतुक
- अतिवृष्टी असलेल्या भागातील शाळांना सुट्टी
![](https://mavalsatya.com/wp-content/uploads/2023/01/PicsArt_01-17-12.45.53-12.jpg)
![](https://mavalsatya.com/wp-content/uploads/2023/01/Picsart_22-04-08_23-15-23-934-5-819x1024.jpg)
![](https://mavalsatya.com/wp-content/uploads/2023/01/Picsart_22-08-30_05-59-01-675-5-558x1024.jpg)
![](https://mavalsatya.com/wp-content/uploads/2023/01/Picsart_22-10-23_17-08-56-367-9-1024x728.jpg)