भारतीय अभियंत्यांना जपानमध्ये संधी: रेन्या किकुची
तळेगावदाभाडे:
‘सध्यस्थितीमध्ये भारतीय अभियंत्यांना जपानमध्ये मोठी संधी आहे. जपानमधील या संधीसाठी भारतीय तरुण उपयुक्त आहेत,’ असे प्रतिपादन एससीसीआयपी प्रायव्हेट लिमटेड जपान या कंपनीचे चेअरमन रेन्या किकुची यांनी केले.
नूतन महाराष्ट्र विद्या प्रसारक मंडळाच्या नूतन महाराष्ट्र अभियांत्रिकी महाविद्यालयामध्ये ते बोलत होते. याप्रसंगी एलएससीएल रोबोटिक्सचे सीईओ प्रकाश डेव्हिड, संस्थेचे कार्यकारी संचालक डॉ. गिरीश देसाई, प्राचार्य डॉ. विलास देवतारे, डॉ. नितीन धवस, डॉ.शेखर राहणे, डॉ.विनोद किंबहुने, डॉ.सागर जोशी, डॉ.नितीन शेरजे, महाविद्यालयाचे प्रबंधक विजय शिर्के आदी मान्यवर उपस्थित होते.
जपानमधील वेळेचे महत्त्व, जपानी कार्यसंस्कृती तसेच तंत्रज्ञान क्षेत्रातील कामगिरी या विषयी देखील किकूची यांनी विस्तृत मार्गदर्शन केले. प्रकाश डेव्हिड यांनी परदेशी भाषा शिकण्याचे महत्त्व, जपानसारख्या देशातील नोकरीच्या संधी आणि जपानमधील भारतीयांसाठीची सध्याची अनुकूल स्थिती या विषयी मनोगत व्यक्त केले.
डॉ. देसाई यांनी नूतन संस्थेच्या परदेशी भाषा संदर्भांत धोरणांची माहिती याप्रसंगी दिली. संस्थेतील विद्यार्थी जपानी भाषेचे प्रशिक्षण घेत असून आगामी काळात नूतन संस्थेच्या विद्यार्थ्यांना परदेशातील नोकरीच्या संधी आम्ही देणार आहोत अशीही माहिती त्यांनी पुढे बोलताना दिली.
या प्रसंगी संस्थेचे अध्यक्ष संजय तथा बाळा भेगडे, उपाध्यक्ष गणेश खांडगे, सचिव संतोष खांडगे, सहसचिव नंदकुमार शेलार, खजिनदार राजेश म्हस्के आदी मान्यवर उपस्थित होते.
- शिक्षणाचा दर्जा न संभाळणा-या शिक्षकाला सेवेतून कमी करणार: दिपक केसरकर
- विद्रोह विवेकी असावा: प्रा. डॉ. श्रीपाल सबनीस
- नूतनचे प्रा.दीपक पाटील यांना डॉक्टरेट
- शिवदुर्ग टीमचे प्रशासनाकडून कौतुक
- अतिवृष्टी असलेल्या भागातील शाळांना सुट्टी
