टाकवे बुद्रुक :येथे टाकवे-नाणे जिल्हा परिषद भाजपा गट अध्यक्ष व माजी उपसरपंच रोहीदास असवले यांनी टाकवेत बैलगाडा मालक,गाडा शौकिनांसाठी बैलगाडा घाटात स्वखर्चाने प्रशस्त स्टेज बांधून देणार असा शब्द मागील वर्षी टाकवे बु.यात्रेच्या दिवशी दिला होता. तो शब्द पुर्ण करत वाढदिवसाचे(दि.१०) औचित्य साधून स्टेजच्या बांधकामाचे भूमीपूजन केले.पंचक्रोशीतील बैलगाडा मालक उपस्थितीत होते.
बांधण्यात येणारा हा स्टेज संपूर्णपणे आरसीसी बांधकाममध्ये होणार असून दोन फेब्रुवारी रोजी होणाऱ्या टाकवे गावच्या यात्रेच्या आगोदर या स्टेजचे संपूर्ण बांधकाम पुर्ण करण्यात येणार आहे. स्टेज झाल्यानंतर नियोजनास अधिक चांगल्याप्रकारे मदत होईल. याशिवाय बैलगाडा शौकिनांची सोय होईल.
हे बांधकाम करण्यासाठी पाच लाख रुपये खर्च अपेक्षित असून स्वखर्चाने घाटासाठी स्टेज बांधून देणार असल्याने माजी उपसरपंच रोहिदासनाना असवले यांचे टाकवेतील बैलगाडा मालकांनी आभार मानले व त्यांना वाढदिवसाच्या शुभेच्छा दिल्या.
बैलगाडा मालक नंदूशेठ असवले, शिवाजी जांभुळकर,बाळासाहेब सवले,माजी उपसरपंच ऋषीनाथ शिंदे, पांडुरंग असवले,सोमनाथ असवले, साहेबराव आंबेकर, बाळासाहेब जांभुळकर,गोरख असवले, संतोष पिंगळे , अक्षय असवले, अजय जाधव,अर्जुन गुणाट,विलास असवले,चंद्रकांत जगताप, शरद गुणाट, अतुल जाधव समीर असवले,सुमित इंगळे, साईनाथ असवले,राजू जगताप यासह आदी मान्यवर या ठिकाणी उपस्थित होते.
माजी उपसरपंच रोहीदास असवले म्हणाले, ” मावळच्या मातीने परंपरा आणि संस्कृतीचे जतन केले आहे. बळीराजाचा स्वाभिमान जपणा-या बैलगाडा स्पर्धेसाठी व्यासपीठ उभारण्याची संधी मिळाली याचा आनंद आहे.या व्यासपीठावरून अनेकांचा मानसन्मान करता येईल ही देखील समाधानची बाब आहे.
- हक्काची अंमलबजावणी करताना कर्तव्याची जाण आवश्यक : ॲड. प्रकाश साळशिंगीकर
- संविधान टिकविणे राष्ट्रीय कर्तव्य – विलास थोरात
- मावळला समृद्ध करण्यासाठी वचनबद्ध : बापूसाहेब भेगडे
- महिला पत्रकाराच्या आडून आमच्या विरोधात राजकीय षडयंत्र – किशोर भेगडे
- नागरिकांचा निर्धार – बापूसाहेब भेगडेच आमदारकीचे दावेदार
