पिंपरी : पिंपरी – चिंचवड नामदेव शिंपी समाज संस्थेच्या वतीने कार्तिक शुद्ध एकादशी अर्थात मंगळवार, दिनांक १२ नोव्हेंबर २०२४ रोजी विश्वसंत श्री संत शिरोमणी नामदेवमहाराज यांच्या ७५४ व्या जयंती सोहळ्याचे आयोजन करण्यात आले आहे.
श्री संत नामदेवमहाराज मंदिर व सांस्कृतिक सभागृह, सर्व्हे नंबर, १३/१, प्लॉट नंबर २१, श्री संत नामदेव चौक, साठे मळा, वाल्हेकरवाडी मार्ग, चिंचवड येथे सकाळी ठीक ०८:०० वाजता सोहळ्याचा प्रारंभ होईल. यामध्ये श्रीविठ्ठल – रुक्मिणी आणि नामदेवमहाराज यांच्या मूर्तींचे अभिषेक, पूजन, भजन आणि दुपारी फराळाचे आयोजन करण्यात आले आहे.
या सोहळ्यात सर्व समाजबांधव आणि नागरिकांनी सहभागी व्हावे, असे आवाहन पिंपरी – चिंचवड नामदेव शिंपी समाज संस्था अध्यक्ष एकनाथ सदावर्ते आणि सहकारी यांनी केले आहे.
