तालुक्याच्या कानाकोपऱ्यातून हजारो समर्थक वडगावात दाखल होण्यास प्रारंभ
बंदोबस्तासाठी मोठा पोलीस फाटा तैनात
वडगाव मावळ, २४ ऑक्टोबर – मावळचे आमदार सुनील शेळके हे राष्ट्रवादी काँग्रेस भाजप शिवसेना आरपीआय स्वाभिमानी रिपब्लिकन पक्ष व मित्र पक्ष महायुतीचे उमेदवार म्हणून आज (गुरुवारी) हजारो समर्थकांच्या उपस्थितीत उमेदवारी अर्ज दाखल करणार आहेत.
उमेदवारी अर्ज दाखल करताना वडगावमध्ये शेळके समर्थकांकडून प्रचंड शक्ती प्रदर्शन होणार आहे. मावळ तालुक्याच्या कानाकोपऱ्यातून त्यांचे समर्थक वडगाव मध्ये दाखल होण्यास प्रारंभ झाला आहे. यावेळी गर्दीचा नवा उच्चांक स्थापित होईल, असा विश्वास आमदार शेळके यांच्या निकटवर्तीयांकडून व्यक्त करण्यात येत आहे.
आमदार शेळके हे वडगाव चे ग्रामदैवत असलेल्या श्री पोटोबा महाराजांचे दर्शन घेऊन मिरवणुकीने तहसीलदार कार्यालयाकडे जातील. उमेदवारी अर्ज भरण्यापूर्वी ते उपस्थित जनसमुदायाशी संवाद साधणार आहेत.
वडगाव मावळ येथे उमेदवारी अर्ज भरताना होणारी संभाव्य गर्दी लक्षात घेऊन पोलीस खात्याने शहरात सर्वत्र कडेकोट बंदोबस्त ठेवला आहे. मोठ्या संख्येने पोलीस कर्मचारी तैनात करण्यात आले आहेत.
- शिवराज पॅलेस ‘ बँक्वेट हाॅलचे सीता खंडू वायकर व खंडू आबाजी वायकर यांच्या हस्ते उद्घाटन
- महागाव येथे कालाष्टमी व श्री. काळभैरवनाथ जयंती निमित्त विविध धार्मिक कार्यक्रमांचे आयोजन
- इंदोरीत शनिवार दि.२३ नोव्हेंबरला समाजप्रबोधनकार ह.भ.प.निवृत्ती महाराज देशमुख यांचे किर्तन
- रविवार, २४ नोव्हेंबर रोजी गझलपुष्पचा वर्धापनदिन सोहळा : रविंद्र भेगडे यांच्या हस्ते होणार उद्घाटन
- संपतराव पांडुरंग गराडे यांचे निधन
