अर्थमंत्र्यांनी शब्द खरा ठरला .. मावळातील ४२ हजार लाडक्या भगिनींच्या बॅक खात्याला क्रेडिट
वडगाव मावळ: तळेगाव दाभाडेत झालेल्या जनसन्मान यात्रा व रक्षाबंधन सोहळ्यात उपमुख्यमंत्री व अर्थमंत्री अजित पवार यांनी दिलेला तुमच्या खात्यात लाडकी बहीण योजनेचे पैसे जमा होतील असा शब्द दिला अन तो शब्द रक्षाबंधनाच्या पूर्वेला खरा झाला सुद्धा. मावळ विधानसभा मतदारसंघात सुमारे ४२ हजार लाडक्या भगिनींच्या बँक खात्यात पैसे क्रेडिट झाले.
शासनाकडून मुख्यमंत्री माझी लाडकी बहिणी योजनेच्या पहिल्या दोन हप्त्यांचे मिळून प्रत्येकी तीन हजार रुपये जमा झाले. अजित पवारांनी दिलेला शब्द पाळल्यामुळे मावळातील भगिनींची रक्षाबंधन धुमधडाक्यात होणार हे नक्कीच.
अजित पवार यांच्या जन सन्मान यात्रेला तळेगावमध्ये महिलांचा विक्रमी प्रतिसाद लाभला. कार्यक्रमाच्या सुरुवातीला महिलांनी अजितदादा यांना प्रतिनिधिक राखी बांधून रक्षाबंधनही साजरे केले. यावेळी शासनाच्या मुख्यमंत्री माझी लाडकी बहीण योजनेचा पहिला हप्ता भगिनींच्या खात्यावर जमा झाला का, असे अजितदादांनी विचारले. त्याला उपस्थित भगिनींनी जल्लोषात प्रतिसाद दिला.
त्यावर पुणे जिल्ह्यातील 13 तालुक्यांमधील लाभार्थी भगिनींच्या बँक खात्यावर (शनिवारी) पैसे जमा झालेले असतील,असा शब्द पवार यांनी दिला होता. मावळचे आमदार सुनिल शेळके यांनी तालुक्यातील भगिनींना योजनेचा लाभ मिळाल्याबद्दल आनंद व्यक्त केला.अजितदादा हे शब्दाला पक्के असणारे नेते आहेत, हे त्यांनी कृतीतून सिद्ध केले आहे. तालुक्यातील बहुतांश महिलांच्या खात्यावर पैसे जमा झाले आहेत.काही तांत्रिक कारणांमुळे पैसे जमा होऊ न शकलेल्या भगिनींना येत्या आठ दिवसांत पैसे मिळतील,असे आमदार शेळके यांनी स्पष्ट केले.
मुख्यमंत्री लाडकी बहीण योजनेच्या लाभापासून एकही बहीण वंचित राहू नये,यासाठी दक्षता घेण्यात येत आहे. या योजनेसाठी अर्ज न केलेल्या भगिनींनी नाराज होण्याचे कारण नाही.त्यांनी अजूनही आवश्यक कागदपत्रांसह तातडीने अर्ज भरुन योजनेचा लाभ घ्यावा,असे आवाहन देखील आमदार सुनिल शेळके यांनी केले आहे.
- पर्व आरोग्य क्रांतीचे : आमदार सुनिल शेळके यांच्या वाढदिवसानिमित्त मावळात महाआरोग्य शिबीर
- रविंद्र आप्पा भेगडे यांच्या झंझावाती गणेश मंडळ दौऱ्यांमुळे कार्यकर्त्यांचा गणेशोत्सवाचा आनंद द्विगुणित
- गणेशोत्सवानिमित्त जांभुळगावला श्री. गणेश मित्र मंडळाची सामाजिक बांधिलकी
- भाजपा मावळ विधानसभा निवडणूक प्रमुख रविंद्र भेगडे यांचे शक्तिप्रदर्शन : लोणावळ्यामधील गणेशोत्सव दर्शनपर भेटींना कार्यकर्त्यांचा उस्फुर्त प्रतिसाद
- गणपती दान आणि निर्माल्य दान उपक्रम
