कार्ला:
मावळच्या वेहरगाव येथील कन्येने परदेशात गगन भरारी घेतली आहे.तिच्या या यशाचा मावळ करांना अभिमान आहे.
आर्या जितेंद्र बोत्रे असे या मावळ कन्येचे नाव आहे.तिने युके इंग्लंडच्या मँचेस्टर युनिव्हर्सिटी मधून मास्टर्स ॲाफ सायन्स बायोटेक्नॉलॉजी ॲन्ड इंटरपायजेस ही पदवी घेतली.
या डिग्रीचे शिक्षण तिने मेरिट लिस्ट मध्ये येऊन पूर्ण केले.तिचा पदवी समारंभ इंग्लंड येथील मँचेस्टर युनिव्हर्सिटी मध्ये अत्यंत थाटामाटा मध्ये संपन्न झाला.या सोहळ्यात युनिव्हर्सिटीचे प्रमुख,गुरुजन,विद्यार्थी उपस्थित होते.आर्याची आई सायली बोत्रे,वडील जितेंद्र बोत्रे आणि बहिणीने याच डोळा याच देही हा पदवी ग्रहण सोहळा अनुभवला.आणि आनंदाने त्यांचे डोळे पाणावले.
आर्याचे शिक्षण लोणावळा येथील रायगड इंटरनॅशनल शाळेत झाले.शाळेतील सांस्कृतिक कार्यक्रम व इतर कार्यक्रमांमध्ये ती सहभाग असायची. शालेय जीवनात तिच्या नेतृत्व गुणांची जडणघडण झाली. विद्यार्थ्यांमधून मतदान प्रक्रियेच्या निवडीतून ती शालेय कॅप्टन झाली होती.
विद्यार्थ्यांकरिता तिने खूप चांगलं कार्य केले.शालेय गॅदरिंग मध्ये शिवाजी महाराजांच्या जीवनावरती एक नाट्य प्रयोग करण्यात आला होता .त्यावेळी तिने जिजाऊची भूमिका खूप सुंदर पद्धतीने साकार केल्याचे लोणावळ्याकरांनी बघितलेच आहे.
पुढील शिक्षण तिने पुणे येथील वाडिया कॉलेजमध्ये अत्यंत चांगल्या गुणांनी पूर्ण केल्यानंतर युके येथील युनिव्हर्सिटी मध्ये प्रवेशासाठी तिने एप्लीकेशन केले होते.अभिमानाची गोष्ट म्हणजे तिने सात कॉलेजची निवड केली होती.सातही कॉलेजमध्ये तिला प्रवेश मिळाला होता. नामांकित मँचेस्टर युनिव्हर्सिटी मध्ये प्रवेश घेण्याचा तिने निर्णय घेतला.
अभ्यासामध्ये तिने स्वतःला झोकुन घेऊन खूप मेहनत करून तिने ही डिग्री मेरीट लिस्ट मधुन संपादन केल्याचे आई-वडिल नातेवाईक व आपल्या मावळ तालुक्यातील सर्व लोकांन मध्ये अभिमान व आनंद आहे. मेरिट लिस्ट मध्ये आल्याने इंग्लंड मध्ये अनेक नोकरीच्या संधी झाल्या आहेत.
- वडगाव मावळला उद्यापासून शिवजयंतीचे कार्यक्रम
- जागतिक महिला दिन व महाराष्ट्र लोकधारा न्यूज प्रथम वर्धापन दिनानिमित्त : क्राईम रिपोर्टर श्रावणी कामत यांना पुरस्कार सन्मान सोहळ्यासह रंगला खेळ पैठणीचा..! महिलांचा उत्स्फूर्त प्रतिसाद
- गुरूवारी समर्थ शलाका शिष्यवृत्ती परीक्षा पारितोषिक वितरण सोहळा
- सावित्रीबाई फुले स्मृतिदिनानिमित्त कार्यक्षम महिलांचा प्रातिनिधिक सन्मान
- मनिषा सातपुते बेस्ट लाइफ कोच अवॉर्डने सन्मानित
