वडगाव मावळ:
माजी नगराध्यक्ष मयूर ढोरे यांच्या पाठपुराव्यामुळे आणि महावितरण विभागाच्या सहकार्याने घरकुल परिसरात ट्रान्सफॉर्मर बसविण्यात आला आहे.गेल्या दहा दिवसांपूर्वी वडगाव नगरपंचायत हद्दीतील एमआयडीसी रस्त्यालगत असलेल्या भारत पेट्रोलियम पंपाजवळील घरकुल वसाहत व इतर भागाला विद्युत पुरवठा करणाऱ्या महावितरण विभागाच्या डिपीवरील ट्रान्सफॉर्मर चोरट्यांनी चोरला होता.
तब्बल दहा दिवसांपासून या भागातील वीज पुरवठा खंडित झाला होता. त्यानंतर लगेचच दोन दिवसांनी घरकुल भागातील रहिवाशांनी माजी नगराध्यक्ष मयूर ढोरे यांच्याशी संपर्क साधून घडलेली सर्व माहिती कळविल्यानंतर त्वरीत ढोरे यांच्या जनसंपर्क कार्यालयातून महावितरण विभागाचे सहाय्यक अभियंता मनोज नेमाडे यांच्याशी संपर्क साधून नवीन ट्रान्सफॉर्मर येईपर्यंत तसेच क्रेन उपलब्ध करून देत ट्रान्सफॉर्मर बसविण्यापर्यंत विशेष प्रयत्न करण्यात आले.
दहा दिवसांपासून अंधारात असलेल्या या गोरगरीब वस्तीतील रहिवाशांनी आज लाईट आल्यानंतर मा नगराध्यक्ष मयूर ढोरे आणि महावितरण विभागाचे अधिकारी आणि कर्मचारी यांचे आभार व्यक्त केले.
यावेळी माजी.नगराध्यक्ष मयूर ढोरे, सहाय्यक अभियंता मनोज नेमाडे, वायरमन विपुल मराठे, विलास आगळमे, पुरुषोत्तम खाडे आणि नगराध्यक्ष यांच्या जनसंपर्क कार्यालयाचे वेळोवेळी सहकार्य मिळाल्याने स्थानिक नागरिकांनी समाधान व्यक्त केले.
- आंदर मावळमध्ये पर्यटन व्यवसाय वाढवून तरुणांसाठी मोठी रोजगारनिर्मिती करणार : बापूसाहेब भेगडे
- मंगळवार, १२ नोव्हेंबर रोजी संत नामदेवमहाराज जयंती सोहळ्याचे आयोजन
- मावळ मनसेचा बापूसाहेब भेगडे यांना पाठिंबा
- धनगर बांधवांचा अपमान केल्याप्रकरणी सुनील शेळके यांच्याविरोधात तक्रार दाखल करणार – बापूसाहेब भेगडे
- जनतेकडून मिळणारा प्रचंड प्रतिसाद पाहून विरोधकांकडून ‘रडीचा डाव’ – सुनिल शेळके
