वडगाव मावळ:
ढोल ताशाच्या गजरात..गणपती बाप्पा मोरयाच्या जयघोषात मावळ तालुक्याच्या शहरी आणि ग्रामीण भागात लाडक्या गणरायासह गौरी मातेला निरोप देण्यात आला. तोही पुढच्या वर्षी लवकर या असे साकडे घालून.
पावसाची संततधार सुरू असतानाच ढोल ताशांचा हजर,टाळ विणा मृदुंगाचा गजर करीत गणेश भक्तांनी लाडक्या गणरायाला निरोप दिला. गावागावातील परंपरेनुसार मंदिराच्या प्रांगणात सर्व गावातील गणेशाच्या मुर्ती आणल्या.
तर सुवासिनींनी गौरी मातेला आज निरोप दिला. पारंपारिक वेशभूषा परिधान केलेल्या महिला मंडळाने गौरीला निरोप देताना गाणी गायली.
फुगड्यांचा फेर ही धरला. माहेरवाशीण आलेल्या गौरी मातेची पारंपारिक पद्धतीने स्वागत केले. पहिल्या दिवशी तिला भाजी भाकरीचा नैवेद्य दिला.दुस-या दिवशी पंचपक्वान्न आग्रहाने खाऊ घातले. आज दहीभाताचा नैवेद्य दाखवून तिलाही निरोप दिला.
तीन दिवसाच्या माहेरवाशीण आलेल्या गौरीच्या स्वागतात आणि आदरातिथ्य करण्यात महिला वर्ग कुठेच कमी पडला नाही. हळदीकुंकू कार्यक्रम झाले. मंगळागौर पारंपारिक खेळ ही झाले. आज गौरी सह गणरायला निरोप देताना मावळ तालुक्यातील इंद्रायणी,अंद्रायणी,पवना,कुंडलिका नद्यांचे आणि ठोकळवाडी,जाधववाडी धरणाच्या तीरावर ‘गणपती बाप्पा मोरयाचा ‘जयघोष झाला. धरणे आणि नद्यांच्या तीरावर सामूहिक महाआरती झाली. प्रसादाचे वाटप करून गौरी आणि गणरायाचे विसर्जन करण्यात आले.
निर्माल्य आणि मूर्तीदान हाही उपक्रम खेडोपाडी पोहचला पाहिजे.तसेच सार्वजनिक व घरगुती गणेशोत्सवाच्या निमित्त पाणी बचत तसेच नदी आणि धरणे स्वच्छतेचा संकल्प करायला हवा.
- काँग्रेस नेते सुनील केदार यांच्या विरोधात शिवसेनेचे आंदोलन
- गणपतीदान व निर्माल्यदान उपक्रमाला भाविकांचा भरभरुन प्रतिसाद : १४८६० गणेश मुर्ती व ३२ टन निर्माल्य जमा
- माजी राष्ट्रपती रामनाथ कोविंद यांच्या हस्ते स्वामी कुवल्यानंद योग पुरस्कार प्रदान
- पर्व आरोग्य क्रांतीचे : आमदार सुनिल शेळके यांच्या वाढदिवसानिमित्त मावळात महाआरोग्य शिबीर
- रविंद्र आप्पा भेगडे यांच्या झंझावाती गणेश मंडळ दौऱ्यांमुळे कार्यकर्त्यांचा गणेशोत्सवाचा आनंद द्विगुणित