दिव्यांग बांधवांना पूर्ववत तीन हजार रुपये मासिक अनुदान मिळणार: किशोर आवारे
तळेगाव दाभाडे:
तळेगाव शहरातील दिव्यांग बांधवांना पूर्ववत तीन हजार रुपये मासिक अनुदान मिळणार असल्याचे किशोर आवारे यांनी जाहीर केले.
तळेगाव दाभाडे नगरपरिषद कार्यालयात आज सर्व दिव्यांग बांधव मुख्याधिकारी विजयकुमार सरनाईक यांच्या दालनामध्ये मासिक अनुदानाबाबत जनसेवा विकास समितीच्या कार्यकर्त्यांच्या बरोबर चर्चेसाठी दाखल झाले होते. जनसेवा विकास समितीच्या वतीने प्रवक्ते मिलिंद अच्युत कार्याध्यक्ष कल्पेश भगत नगरसेवक सुनील कारंडे ,रोहित लांघे, निलेश पारगे, अनिल भांगरे आदी कार्यकर्त्यांनी उपस्थित राहून दिव्यांग बांधवांच्या वतीने मुख्याधिकारी सरनाईक यांच्याशी चर्चा केली.
मुख्याधिकारी सरनाईक यांनी जनसेवा विकास समितीचे संस्थापक अध्यक्ष किशोर आवारे यांच्याशी फोन द्वारे चर्चा करून तीन हजार रुपये मासिक अनुदान देण्यास तत्वतः मान्यता दिली, तसेच एकूण बजेट मधील वाढीव तरतुदी करिता योग्य ती पावले उचलून दिव्यांग बांधवांच्या मासिक अनुदानाचा प्रश्न तडकाफडकी सोडवण्यात आला. तळेगाव शहरातील सुमारे दोनशे दिव्यांग बांधव नगरपरिषदेच्या प्रांगणामध्ये उपस्थित होते.
त्यामध्ये प्रामुख्याने दिव्यांग संस्थेचे किशोर कुलकर्णी, राजेंद्र थोरात, मनोज हब्बू, निखिल बोत्रे रंजना गोडसे, विठ्ठल हिंनकुले, स्वप्निल पाटील, किशोर दिघे तसेच बहुसंख्य महिला व बाल दिव्यांग देखील उपस्थित होते. जनसेवा विकास समितीच्या वतीने मुख्याधिकारी सरनाईक यांना लेखी पत्र देऊन मासिक अनुदान तीन हजार रुपये करण्याबाबत विनंती केली होती त्या विनंतीला सकारात्मक साथ देत मुख्याधिकारी सरनाईक यांनी जनसेवा विकास समितीला लेखी पत्र देऊन तीन हजार रुपये मासिक अनुदान देणार असल्याचे जाहीर केल्यामुळे दिव्यांग बांधवांमध्ये आनंदाचे वातावरण निर्माण झाले आहे.
तळेगाव शहरांमध्ये किशोर आवारे नेहमीच दिव्यांग बांधवांच्या पाठीशी खंबीरपणे उभे राहतात, दिव्यांग बांधवांचे अनेक प्रश्न किशोर आवारे यांनी यापूर्वी सोडवलेले आहेत, किशोर आवारे नेहमीच दिव्यांग बांधवांच्या मागे देवासारखे उभे राहतात, मासिक वेतनाबाबत किशोर आवारे यांनी मध्यस्थी केल्यामुळेच सदर प्रश्न सुटल्याचे दिव्यांग संस्थेचे किशोर कुलकर्णी यांनी यावेळी नमूद केले.
- काँग्रेस नेते सुनील केदार यांच्या विरोधात शिवसेनेचे आंदोलन
- गणपतीदान व निर्माल्यदान उपक्रमाला भाविकांचा भरभरुन प्रतिसाद : १४८६० गणेश मुर्ती व ३२ टन निर्माल्य जमा
- माजी राष्ट्रपती रामनाथ कोविंद यांच्या हस्ते स्वामी कुवल्यानंद योग पुरस्कार प्रदान
- पर्व आरोग्य क्रांतीचे : आमदार सुनिल शेळके यांच्या वाढदिवसानिमित्त मावळात महाआरोग्य शिबीर
- रविंद्र आप्पा भेगडे यांच्या झंझावाती गणेश मंडळ दौऱ्यांमुळे कार्यकर्त्यांचा गणेशोत्सवाचा आनंद द्विगुणित