वडगाव मावळ : येथील ग्रामदैवत श्री पोटोबा महाराज उत्सवानिमित्त अभिषेक, छबिना, मानाचे बगाड, मनाच्या काठ्या, पालखी प्रदक्षिणा, फटाक्यांची आतषबाजी, भजन स्पर्धा, कुस्त्यांचा आखाडा व मनोरंजनात्मक कार्यक्रमांसह धार्मिक कार्यक्रम संपन्न होणार असल्याची माहिती उत्सव समितीचे अध्यक्ष डॉ. सुधीर ढोरे, कार्याध्यक्ष बाळासाहेब तुमकर यांनी दिली.
शनिवारी (दि. १२) पहाटे ४ वाजता श्री पोटोबा महाराजांच्या अभिषेक व महापूजेने उत्सवाची सुरुवात होणार आहे. सकाळी ६ वाजता श्री हनुमान जन्मोत्सव सोहळा, सकाळी ७ वाजता छबिना, दुपारी ४ वाजता मानाचे बगाड, सायंकाळी ५ वाजता मनाच्या काठ्या, रात्री ८ वाजता फटाक्यांची आतषबाजी व रात्री १० नंतर भजन स्पर्धा होणार आहेत. भजन स्पर्धेसाठी अनुक्रमे १५ हजार, १२ हजार, १० हजार, ८ हजार, ५ हजार अशी ५० हजार रुपयांची रोख बक्षीसे असून प्रत्येक सहभागी संघास २ हजार रुपये व सन्मानचिन्ह देण्यात येणार आहे. तसेच, रात्री ९ वाजता प्रसिद्ध नृत्यांगणा गौतमी पाटील यांचा मनोरंजनात्मक कार्यक्रम होणार आहे.
रविवारी सकाळी पालखी प्रदक्षिणा होणार असून, यामध्ये आळंदी येथील बाल भजनी मंडळाचा समावेश खास आकर्षण असणार आहे. सायंकाळी ६ वाजता निकाली कुस्त्यांचा जंगी आखाडा होणार असून, निकाली कुस्त्यांसाठी १० हजार रुपयांपर्यंत रोख इनाम देण्यात येणार आहे. या उत्सवाचे संयोजन समितीचे अध्यक्ष सुधीर ढोरे, कार्याध्यक्ष बाळासाहेब तुमकर, कार्यक्रम प्रमुख अतुल ढोरे, विशाल म्हाळसकर, उपाध्यक्ष किरण म्हाळसकर, सोमनाथ धोंगडे, प्रशांत भिलारे, अनिल ओव्हाळ, सचिव तुषार वहिले, विनोद ढोरे, खजिनदार अनिल कोद्रे, शेखर वहिले, प्रसिद्धीप्रमुख संजय दंडेल, सल्लागार गणेश ढोरे, भाऊसाहेब ढोरे, राजेंद्र म्हाळसकर, शिवाजी येळवंडे, संदीप वहिले, भूषण मुथा, अतुल राऊत, सुहास विनोदे, सदस्य अक्षय बेल्हेकर, विनायक लवंगारे, योगेश वाघवले, सतीश गाडे. पप्पू ढोरे, समीर दंडेल, सूर्यकांत भिलारे, संकेत चव्हाण, अभिमन्यू कुडे, निखिल वहिले, स्वप्नील ढोरे, अभिजित ढोरे, अमोल ढोरे, अर्पण ढोरे करत आहेत.
- वडगावमध्ये रविवारी सामुदायिक विवाह सोहळास्व.पै.केशवराव ढोरे प्रतिष्ठान चे आयोजन
- मिळालेल्या मताधिक्याच्या इतकी एक लाख दहा हजार झाडे लावणार – आमदार शेळके
- प्रगतीशील शेतकरी चिंधू वाळुंज यांचे निधन
- सार्थक वेल्फेअर फाऊंडेशनच्या माध्यमातून पवना विद्या मंदिर शाळेला अद्ययावत इन्टरॲक्टीव्ह विज्ञान प्रयोगशाळा
- जीवनगाथा बहिणाबाईंची’ : १९ एप्रिलला बहिणाबाई चौधरी यांच्या काव्यावरील नि:शुल्क रंगमंचीय आविष्कार
