तळेगाव स्टेशन:
हुस्को हायड्रॉलिक प्रायव्हेटेड लिमिटेड कंपनी मार्फत नवलाख उंब्रे शाळेतील विद्यार्थ्यांना शैक्षणिक साहित्याचे वाटप करण्यात आले.हुस्को कंपनी मार्फत दरवर्षी जिल्हा परिषद शाळांमधील तसेच ग्रामीण भागातील हायस्कूल मधील विद्यार्थ्यांना शैक्षणिक साहित्याचे वाटप करण्यात येते.
या कंपनीच्या सर्व अधिकाऱ्यांचा भर हा ग्रामीण भागातील विद्यार्थ्यांना सर्व प्रकारचे शैक्षणिक साहित्य पुरविण्यावर असतो. तसेच साहित्य ही दर्जेदार स्वरूपाचे असते. यावर्षीही हुस्कोमार्फत नवलाख उंब्रे शाळेतील मुलांना लागणारे सर्व प्रकारचे शैक्षणिक साहित्य तसेच पहिलीच्या विद्यार्थ्यांना दप्तर आणि बॉटल चे वाटप यावेळी करण्यात आले.
ग्रामीण भागातील मुलांच्या पालकांची आर्थिक परिस्थिती ही हलाखीची असल्याने त्यांच्या मुलांना चांगले शिक्षण मिळावे आणि त्यांना शिकताना कसल्याही प्रकारची अडचण येऊ नये याकरिता लागणाऱ्या सर्व गोष्टी त्यांना मिळाव्यात हा प्रामाणिक प्रयत्न ही कंपनी करत आहे.
यावेळी कंपनीचे अधिकारी श्री.दीपक शर्मा, प्रशांत जोशी, दत्तराज डेरे, प्रदीप गुथे, इम्तियाज शेख, अतुल निकम, शीतल धोंगडे, रोहित नाईक, संतोष लामगुंडे तसेच शाळा व्यवस्थापन समितीचे अध्यक्ष श्री.विशाल शेटे, सदस्य युवराज शेवकरी, संग्राम कदम, सीमा शेटे, सोमवंशी ताई, तसेच शाळेचे मुख्याध्यापक, सर्व शिक्षक आणि विद्यार्थी उपस्थित होते.
- ॲड पु. वा.परांजपे विद्या मंदिरामध्ये ७६वा प्रजासत्ताक दिन उत्साहात संपन्न
- ‘हिंदवी प्रजासत्ताक’ हा शब्दप्रयोग पहिल्यांदा करणारे आद्य क्रांतिकारक वासुदेव बळवंत फडकेंसारख्या हजारो क्रांतिकारकांचे बलिदान कायम स्मरणात ठेवा – नंदिता देशपांडे
- नृत्यगीतांच्या माध्यमातून विद्यार्थ्यांनी घडविले संस्कृतीचे दर्शन
- चैतन्य इंटरनॅशनल स्कूलमध्ये ७६ वा प्रजासत्ताक दिन राष्ट्रभक्तीच्या उत्साहात आणि अभिमानाने साजरा
- असवले इंग्लिश मिडियम स्कूल मध्ये प्रजासत्ताक दिन उत्साहात
