संकल्प प्रतिष्ठानची भाऊबीज उत्साहात
पिंपरी:
संस्कार प्रतिष्ठान महाराष्ट्र राज्य पिंपरी चिंचवड शहराच्या वतीने भाऊबीजेच्या निमित्त प्रभाग क्र १७ मधील स्वच्छता कर्मचारी असलेल्या महिलांचा सन्मान करण्यात आला. ३३ महिलांनी प्रतिष्ठानच्या सभासदांना औक्षण केले.प्रतिष्ठानच्या वतीने सर्व महिला भगिंनीना भाऊबीजेला साडी आणि सोबत साखर वाटप करण्यात आली.
सर्वांना चहा पाणी व नाश्त्याची सोय करण्यात आली.डॉ. सुशिल मुथियान,ब प्रभाग आरोग्य अधिकारी महादेव शिंदे, जेष्ठ सभासद सेवानिवृत्त शिक्षक प्रभाकर मेरुकर, रमेश सरदेसाई यांच्या हस्ते वाटप केले.
प्रास्तविक डॉ.मोहन गायकवाड यांनी केले.डॉ सुशिल मुथियान यांनी प्रतिष्ठानच्या या उपक्रमाचे कौतुक केले.संस्कार प्रतिष्ठान नेहमीच प्रत्येक थरातील नागरिकांसोबत सलोख्याचे नाते तयार करते.या निमित्त हे पुन्हा एकदा सिद्ध झाले.
आरोग्य अधिकारी महादेव शिंदे म्हणाले,” आजकाल भाऊबीज साजरी करायला सुध्या लोकांना वेळ मिळत नाही. आमच्या महिलांना एक बहिण म्हणून प्रतिष्ठानने चांगला मान दिला.संस्कार प्रतिष्ठान नेहमी आमच्या पाठिशी खंबीरपणे उभे असते.
कल्पना तळेकर यांनी आभार मानले.शब्बीर मुजावर,गोविंद चितोडकर, सायली सुर्वे ,वसंत दळवी, संध्या स्वामी ,सुनिता गायकवाड, इशिता गायकवाड, भरत शिंदे ,मिनाक्षी मेरुकर उपस्थित होते.
- MPL – 2025 मावळ प्रिमियर लीगचे इंदोरीत दिमाखदार उद्घाटन
- सांगिसे माध्यमिक विद्यालयात ग्रंथदिंडी उत्साहात संपन्न
- प्रजासत्ताक दिनानिमित्त टाकाऊ इलेक्ट्रॉनिक वस्तूंचे संकलन
- चांदखेडच्या श्री. समर्थ रघुनाथबाबा पतसंस्थेचा कारभार प्रशासकाच्या हाती
- कडजाई माता क्रिकेट मैदानाची आयोजक प्रशांत भागवत यांच्या कडून पाहणी
