तळेगाव स्टेशन (स्वप्ननगरी):
जनसेवा समितीचे संस्थापक अध्यक्ष किशोर आवारे यांची हत्या झाली, या पार्श्वभूमीवर पालकमंत्री चंद्रकांत पाटील यांनी आवारे यांच्या निवासस्थानी जाऊन किशोर आवारे यांना श्रद्धांजली वाहून आवारे कुटुंबीयांचे सांत्वन केले.
आवारे यांच्य मातोश्री माजी नगराध्यक्षा सुलोचना आवारे यांनी “माझा मुलगा तळेगावकरांची प्राणपणाने सेवा करत होता. न्याय मिळायला पाहिजे, आरोपींना फाशीची शिक्षा द्यावी,” अशी मागणी केली. तसेच या हत्या प्रकरणाचा तपास विशेष पथकाकडे सोपविण्याची मागणी किशोर आवारे यांच्या पत्नीने पाटील यांच्याकडे केली.
पालकमंत्री चंद्रकांतदादा पाटील यांनी सर्वांना धीर दिला. तसेच दोषींवर कठोर कारवाई केली जाईल, अशी ग्वाही दिली. यावेळी माजी मंत्री बाळाभाऊ भेगडे, भाजपा पुणे जिल्हा अध्यक्ष गणेश भेगडे यांच्यासह इतर कार्यकर्ते उपस्थित होते.
- अध्यात्म देशविघातक शक्तींना प्रतिबंध करू शकते!” – ॲड. सतिश गोरडे
- लोणावळ्यातील दाऊदी बोहरा समाजाने सर्व केला मिलाद-उन-नबी (SA) साजरा
- वातावरणातील बदलानुसार भात पिकावरील कीड रोग व्यवस्थापन करा
- जपान आस्थापन सदस्यांची चैतन्य इंटरनॅशनल स्कूलला सदिच्छा भेट
- कार्ल्यात रंगला लेकी मागण्याचा पारंपरिक खेळ
